📰 पालघर पोलिसांची मोठी कामगिरी

📰 पालघर पोलिसांची मोठी कामगिरी
13 ऑगस्ट २०२५

बोईसर रोडवरील दांडेकर कॉलेज चोरी प्रकरणातील ४ आरोपी गुजरातमधून अटक

पालघर पोलिसांनी बोईसर रोड, पालघर येथील दांडेकर कॉलेजच्या अकाऊंट्स विभागात झालेल्या चोरीचा छडा लावत गुजरातमधून ४ आरोपींना अटक केली आहे. या आरोपींनी १,३२,००० रुपये रोख रक्कम चोरली होती. ही घटना २३ जूनच्या रात्री ते २४ जूनच्या पहाटे दरम्यान घडली होती. याबाबत फिर्यादी मनोज शंकर परब (वय ४९, रा. गणेशनगर, पालघर) यांनी पालघर पोलिस ठाण्यात तक्रार दाखल केली होती.

पोलिस अधीक्षक यतीश देशमुख यांच्या मार्गदर्शनाखाली, तांत्रिक विश्लेषण व गोपनीय माहितीच्या आधारे ही कारवाई करण्यात आली. अटक केलेले आरोपी पुढीलप्रमाणे —
१. शुभम वीरेंद्र सिंग (वय २१ वर्षे, वलसाड, गुजरात)
२. मुरली मनोहर पवार (वय २३ वर्षे, वलसाड, गुजरात)
३. अरुण लक्ष्मण चव्हाण (वय १९ वर्षे, वलसाड, गुजरात)
४. फारुख फिरोज खान (वलसाड, गुजरात)

आरोपींकडून एकूण ८,०५,००० रुपयांपैकी ८,०४,००० रुपये रोख रक्कम जप्त करण्यात आली आहे. ही कारवाई पोलीस निरीक्षक प्रदीप पाटील, पो.उपनिरीक्षक रवींद्र वाघमारे, पो.उपनिरीक्षक/युवराज गावित आदींच्या पथकाने केली.

पोलिसांनी सांगितले की, आधुनिक तंत्रज्ञानाचा वापर आणि तत्पर कारवाईमुळे ही चोरीची गून्हा उकल जलद गतीने करण्यात यश आले