मनोर रोडवर बेकायदेशीर काम कोणाच्या आशीर्वादाने?काम पूर्ण झाले, पण कारवाई कधी होणार?
पालघर प्रतिनिधी : वनिता बरड.
पालघर–मनोर रोडवर सुरू असलेले बेकायदेशीर काम आता पूर्ण झाले असले, तरी त्यावर कारवाई होणे अत्यंत आवश्यक आहे, अशी ठाम मागणी नागरिकांकडून होत आहे. काम सुरू असताना या रस्त्यावरून जाणाऱ्या नागरिकांना प्रचंड त्रास सहन करावा लागला. अनेक वेळा रस्त्यावरच गाड्या उभ्या राहिल्याने वाहतूक कोंडी निर्माण झाली होती, तर पादचाऱ्यांना जीव मुठीत धरून मार्ग काढावा लागत होता.
महत्त्वाची बाब म्हणजे, मागील सहा महिन्यांपासून पालघर नगरपरिषदेत कोणताही नगरसेवक नव्हता. त्यानंतर लगेचच आचारसंहिता लागू झाली. याच संधीचा गैरफायदा घेत संबंधितांनी या सहा महिन्यांच्या कालावधीत संपूर्ण बेकायदेशीर काम उरकून घेतल्याचा आरोप नागरिक करत आहेत.
नागरिकांचा स्पष्ट सवाल आहे की,
“नगरसेवक नसणे किंवा आचारसंहिता असणे म्हणजे बेकायदेशीर काम कायदेशीर ठरते का?”
कायद्यानुसार कोणतेही काम परवानगीशिवाय झाले असेल, तर काम पूर्ण झाले म्हणून ते कायदेशीर ठरत नाही. त्यामुळे अशा बेकायदेशीर इमारती किंवा कामावर तितकीच कठोर कारवाई होणे आवश्यक आहे.
या प्रकरणी नगरपरिषदेने यापूर्वी नोटिसा दिल्या होत्या, तरीही काम थांबवण्यात आले नाही. आता काम पूर्ण झाल्यानंतर प्रशासन जर गप्प बसले, तर भविष्यात अशा प्रकारच्या बेकायदेशीर कामांना प्रोत्साहन मिळेल, अशी भीती नागरिक व्यक्त करत आहेत.
नागरिक व सामाजिक कार्यकर्त्यांच्या ठोस मागण्या :
▪ बेकायदेशीररीत्या करण्यात आलेले काम तात्काळ कारवाईत घ्यावे
▪ नियमबाह्य बांधकाम जमीनदोस्त करण्याची प्रक्रिया सुरू करावी
▪ जबाबदार अधिकाऱ्यांची चौकशी करून उत्तरदायित्व निश्चित करावे
▪ “काम झाले” या कारणावरून कोणतीही सूट देऊ नये
“कायदा सर्वांसाठी समान आहे. वेळ, आचारसंहिता किंवा नगरसेवक नसणे हा बेकायदेशीरतेला संरक्षण देणारा कारण ठरू शकत नाही,” असा ठाम इशारा नागरिकांनी दिला आहे.
महाराष्ट्राच्या निर्भीड, वास्तव, सडेतोड बातम्या फक्त आपल्या पालघर नागरिक पोर्टल वर मुख्य संपादक:- 
जावेद लुलानिया
पालघर नागरिक ला आवश्यक भेट द्या आणि राह अपडेट
जाहिराती साठी संपर्क करा.
Editor- Javed Lulania
Contact Number- 88062 47860
